3.#Folder Structure

================

ဒီသင်ခန်းစာမှာ Folder တွေရဲ့ဖွဲ့စည်းထားပုံနဲ့ အရေးပါတဲ့ file တွေဆီဝင်ရောက်ပုံကို အနည်းငယ်သင်ပြထားပါတယ်... တချို့ဟာတွေရှင်းပြဖို့ရှိပေမယ့် ခုနေထပြီးရှင်းပြလိုက်ရင် လေ့လာချင်စိတ်ပါကုန်သွားမှာစိုးလို့ ခဏချန်ထားခဲ့ပါတယ်... ရှင်းပြတဲ့နေရာမှာလည်း မှတ်သားရခက်ခဲစေတဲ့အခေါ်အဝေါ်အယူအဆတွေကို အသုံးမပြုခဲ့ပါဘူး... ဒါကြောင့် အဆင်ပြေမယ်ထင်ပါတယ်.... အကြံပေးချင်တာက ကျနော်လုပ်ပြသမျှကိုလိုက်လုပ်ကြည့်ပါ... ဒါပေမယ့်ကိုယ့်ကိုယ်ကိုမေးခွန်းတွေမထုတ်ပါနဲ့ဦးဆိုတာပါ... ဥပမာပြောရရင်... မိတ်ဆွေရဲ့ခွက်ထဲမှာနွားနို့တွေပြည့်နေတဲ့အခါ... အဲဒါတွေကိုအရင်မဖယ်ပစ်ပဲ... ရေနွေးတွေထပ်ဖြည့်ထည့်မယ်ဆိုရင် နွားနို့လည်းအရာမရောက်... ရေနွေးလည်းအရာမရောက်ဖြစ်သွားနိုင်လို့ပါ... မိတ်ဆွေရဲ့ဦးနှောက်ထဲက ခံနေတဲ့အခုအခံတွေကိုအရင်ရှင်းလင်းပေးသင့်ပါတယ်... အခံတွေထပ်မဝင်အောင်လည်းသတိပြုပါ... ခုလိုတွေပြောနေတော့ သိပ်အရေးမကြီးဘူးလို့မိတ်ဆွေထင်နေမလားပဲ... မဆိုင်ပေမယ့် ဦးနှောက်သင်ခန်းစာနဲနဲပြောပြမယ်ဗျာ....

အွိင်၊ ငွိုန်၊ စွေ၊ လ္လိုင်၊ မှေီ၊ ငှါန်၊ ဂီက်၊ မှိုင်း၊ ဝှုတ်၊ ရေန်၊ ဝှီန်၊ ရွှန်ပ်

ဆိုတဲ့ အဆက်အစပ်မရှိ၊ အဓိပ္ပါယ်မရှိတဲ့စာလုံး ၁၂ လုံးကို အစအဆုံး သုံးခေါက်ခန့်ဖတ်ပါ... ပြီးရင်အလွတ်မှန်အောင်ရေးကြည့်ပါ... မလိမ်မညာကြေးနော်... သေချာတာတစ်ခုက မိတ်ဆွေရဲ့ဥာဏ်ရည်ဘယ်လောက်ကောင်းပါစေ ၆ လုံးထက်ပိုပြီးမှန်အောင်မရေးနိုင်ပါဘူး.. ဘာကြောင့်ဆို သုံးခေါက်ထဲကျက်မှတ်ခဲ့ရတာကိုး...

ကောင်းပြီ.....

မောင်၊ မြ၊ ရေ၊ မိုး၊ ရွာ၊ တော့၊ မယ်၊ မြန်၊ မြန်၊ လုပ်၊ ပါ၊ လေ

ဆိုတဲ့အဆက်အစပ်လည်းရှိ... အဓိပ္ပါယ်လည်းရှိတဲ့စာ ၁၂ လုံးကိုလည်း သုံးခေါက်လောက်ဖတ်ပြီးအလွတ်ရေးကြည့်ပါ.... သေချာတာကတော့ အစအဆုံးတစ်လုံးမကျန်မှန်အောင်...မိတ်ဆွေရေးသားနိုင်ပါလိမ့်မယ်.... ဒါဟာဘာလဲဆိုတော့... ဦးနှောက်ဟာ အချိတ်အဆက်နဲ့မှတ်မိတယ်ဆိုတာကိုဖော်ပြပါတယ်... အချိတ်အဆက်လည်းမရှိ၊ အဓိပ္ပါယ်လည်းမရှိဆိုရင် သူဟာ ကို့ယို့ကားယားဖြစ်ကုန်တော့တာပဲ...ဒါကြောင့်ကျနော်ကနည်းလမ်းတစ်ခုနဲ့မတတ်မချင်းသင်မှာမို့ အခံတွေကြိုရှင်းခိုင်းတာပါ... ကျနော်သင်ပေးသလောက်ထိပဲလေ့ကျင့်ပါ... ကြိုပြီးမတွေးပါနဲ့...နောက်ပိုင်းအတွေးပိုင်းပါသင်ပေးမှာပါ.. စိတ်မပူပါနဲ့... စာရှည်သွားပြီဗျာ... ဆောရီးပါ.............